أيها الغائب عني  ....... علم الله أنى لمشتاق إليك

  فإذا هب نسيم طيب ... أنا ذاك الوقت سلمت عليك

البهاء زهير .... لكل غائب و بعيد

.... خليك فاكر مصر جميـــله

حد فاكر فيلم 451 فهرنهايت ؟؟ طيب حد شافه اساسا ؟؟ طيب عموما ممكن تدوروا عليه فى ويكيبديا هتلاقوا ملخص للقصه و يا سلام بقى لو اتفرجتوا عليه هتلاقوا نفسكوا قدام فيلم رائع بكل المقاييس ... الناس فى الفيلم ده علشان يقاوموا الحكم المستبد اللى بيحرق الكتب قرروا يحفظوا الكتب عن ظهر قلب و بقى كل واحد منهم عباره عن كتاب ماشى على رجلين ... الصراحه الفيلم ده بييجى على بالى كل ما بشوف طوفان القبح و الجهل و الغوغائيه اللى داخل على مصر و هيغرقها كليا ...

 بفكر فعلا لو فى مكان اقدر اروح له و ابعد عن طوفان الغل القادم ـــ طبعا الفكره دى جديده جدا عليا و عمرى ما فكرت فيها و ده فى حد ذاته مؤشر مش لطيف بالمره ــ طيب لو ممكن يبقى فى حاجه كده فعلا انا ممكن آخد ايه معايا ؟؟

 قعدت فكرت فى الحاجات اللى هآخدها معايا سجادة الصلاه بتاعتى و المصحف و السبحه الخشب طبعا ... هدومى و البالطو بتاع ماما و نضارة بابا و صورى مع اخويا فى كل مراحل عمرنا ... طبعا كنت اتمنى آخد معايا اولادى و احفادى و اصحابى  لكن طول عمرى  مبحبش افرض اختياراتى على حد .... كتبى كلها و عفيفى " اللاب توب بتاعى " و " خير ان شاء الله " موبايلى القديم و " اللى ما يتسماش " موبايلى الجديد و " اولجا " عروستى ( بقالها معايا 44 سنه يعنى عشرة عمر مش هقدر اسيبها )  هديه من شخص عزيز محدش يعرف تاريخها غيرى

... طبعا اغانى محمد فوزى كلها و اغانى محمد منير كلها برضه و شويه من ام كلثوم و كتير من اغانى عبد الحليم و انغام و فيروز و ورده و الشريط الاخير ل عمرو دياب ... موسيقى عمر خيرت و عبد الوهاب و عمار الشريعى ... مسرحيات فؤاد المهندس و افلام فاتن حمامه و فيلم عروب و شروق و القاهره 30 و شفيقه و متولى  لسعاد حسنى .... مونولوجات اسماعيل ياسين و افلام انور وجدى و ليلى مراد ... اغانى اسمهان و عبد المطلب ... مسلسلات اسامه انور عكاشه و موشحات الشيخ النقشبندى ... تسجيلات الشيخ محمد رفعت و الشيخ عبد الباسط .. فانوس صفيح من ابو شمعه و المسحراتى بصوت سيد مكاوى

... تابلوهات فريد فاضل و لوحات صلاح طاهر و بورتريهات بيكار ... برنامج غنوه و حدوته و غواص فى بحر النغم  و احاديث الشيخ الشعراوي

 ... نعناع و ليمون و ملوخيه و شجرة برتقال و ياسمين و شجرة بونسيانا و شجرة توت و ساقيه و ترعه ... النيل و الهرم و مسجد السلطان حسن ... حاسه برضه انى ناسيه حاجات كتير

 ... طيب لو عرفت آخد الحاجات دى و الحاجات اللى ناسياها افتكرتها و اخدتها هعرف آخد الروايح ازاى ؟؟ ازاى هعرف آخد ريحة البحر ساعة العصارى ؟؟ ازاى هعرف آخد ريحة شوارع بورسعيد ؟؟ ازاى هعرف آخد ريحة البخور اللى فى منطقة الحسين و الغوريه و خان الخليلى ؟؟ طيب ازاى هآخد ريحة الهوا فى بلكونتى ساعة الفجريه ؟؟

عاجبك كده يا مصر ؟؟ عاجبك اللخبطه اللى انا فيها دى ؟؟

هى دى آخرتها هتتخطفى على آخر الزمن ؟؟ و ياريت اللى هيخطفك فارس شجاع شريف محترم جاى على حصانه الابيض يطلب ودك من ولادك الطيبين لأ دا اللى جاى لك بلطجى خبيث استغلالى بيتمسكن لغاية ما يتمكن و نيته باينه و الغدر فى عينيه ..... معلش يا مصر ربنا اكبر من الكل و محدش عارف الايام مخبيه ايه .... شده و هتزول ان شاء الله يا مصر و بكره افكرك

* البورتريه تصوير لشخصية مصر بريشة العبقرى حجازى 

أنـــا بحبنى

أرقصي حتى ولو لم تتقني الرقص
العبي أي لعبة تريدينها
سرحي شعرك كما تريدين وكما يحلو لكِ
ضعي أحمر الشفاه ، أي لون أردتي ؟ أفعلي ما تريدين طالما لا يُغضب الله
طويلة ؟ قصيرة ؟ رشيقة ؟ سمينة ؟ سمراء ؟ بيضاء ؟
آنتي جميلة جدا كيف ما كنتي
شعرتي يوما ب ضيقة ما ؟ إبكي لآ ضرر في ذلك ، فكلنا  يبكي
و من يسعدك اليوم ... ف أعلمي  انه قد يكون سبب ل حزنك غداً
و بناءاً عليه فبقدر ما أسعدك .... سيحزنك
لا تملكين صديق ؟ ايضًا لا تملكين حبيب ؟ حسنًا ذلك اجمل فأنتى بوحدتك اجمل
و إن كنتي وحيدة ما الضرر في ذلك ؟
قد ولدتي وحدك ، ستموتين وحدك  ستدفنين وحدك  ستحاسبين وحدك
و من يريد إزعاجك ؟ فابتسمي ولآ تبالي بما يقول أو يفعل
فالمهزوم اذا ابتسم أفقد المنتصر لذة الفوز
ابتسامتك بشعه ؟ ابتسمي
صوتك نشاز ؟ اطربيهم به
لا تجعلي اكبر همك اكتشاف الأشخاص أكثر من اللازم  استمتعي بما يظهرونه لكِ من جميل و أتركي السيء لرب العالمين  فهو وحدة أعلم ب ذلك
لا تنتظري من يحبك  فقط انظرى لنفسك ف المرآه كل صبآح و انطقي بشفتيك الجميلتين - آحبك - ف انتي تستحقين ذلك يا فاتنة
لا تفكري في قول - لآ استطيع العيش دونه - فهي مسألة تعود لآ أكثر ولا أقل
حبي نفسك .. قدّري نفسك .... كوني على طبيعتك .... لا مشكلة من ارتكابك للأخطاء .. ثقي ب نفسك ... ثقى ب انك جميلة ... ثقى ب انك اميرة لن تكررك الحياة مرة أخرى آبدا
ولآ تكوني من الذين يتحدﺛﻮﻥ ﻋﻦ آﻟﺘﻌﺐ ﻭيكتبون ﻋﻦ آﻟﻮﺟﻊ  ﺣﺘﻰ ﺗﺒﺮﻣﺠﺖ ﻋﻘﻮلھم آلبآﻃﻨﻪ ﻋﻠﻰ آﻟﺤﺰﻥ  ﻭﻣﺮﺿﺖ ﺁنفسهم بآنفسھم

فقط ردّدي : غداً أجمل ، غداً أجمل ، غداً أجمل ، حتى لو كان ذلك ب نبرة البكاء ستكونين أقوى
حتى وان شعرتي ب الحزن .... فلآ تذكري ذلك ل أي شخص كان
فقط ..... اتجهي  لخــــالقك ، فإنه أقرب إلينا من حبل الوريد 

دا أكيـــد