الصمت ..... ساعات يكون رد فعل طبيعى لذهولك من اللى بيحصل ليك او حواليك من اشياء لم تكن تتوقعها
الصمت .... ساعات يكون احتجاج على ظلم كبير مش نافع تصده و لا قادر ترفضه و لا حتى عارف تتعامل معاه
الصمت ... ساعات يبقى محاوله عبيطه لحفظ ما تبقى من ماء الوجه و القلب
الصمت ... ساعات بيكون خوف من رد فعل اللى حواليك لو انت ف يوم مليت او اشتكيت
الصمت .... نتيجه طبيعيه لليأس .... اليأس من حدوث اى تغيير فى الواقع و اليأس من تحقيق أى حلم فى يوم اتمنيته
الصمت ... اوقات بيكون آخر الحلول و مافيش قدامك غيره لأنك خلاص استنفذت كل ما يمكنك عمله
الصمت ... عندما يحدث فى وقته بالمللى يوصف بأنه البلاغه بعينها
الصمت .... فى الحديث الشريف هو البديل عن قول الحق ...من كان يؤمن بالله و اليوم الآخر فليقل خيرا او ليصمت ،
الصمت .... فى الحديث الشريف هو البديل عن قول الحق ...من كان يؤمن بالله و اليوم الآخر فليقل خيرا او ليصمت ،
الصمت ... فى دنيا الشعر أفتى مره شاعر مجنون بأن صمت المحبين عباده
الصمت ... فى دنيا الاخلاق اخبرنا الحكماء ان قيمته تعادل الذهب بالنسبه للكلام
الصمت .. فى دنيا الازواج يُطلق عليه الخرس المنزلى و هو علامه غير طيبه فى العلاقه الزوجيه
الصمت ...تأمل فى الاحوال و اعادة تقييم للمواقف
الصمت ... طوق نجاه من اللغو و الزلل
الصمت ... رحمه بالضعيف الذى لا يتحمل العتاب
الصمت ... اوقات بيكون طبطبه على القلب اللى قرر ان ينزوى فى ركن ما
الصمت ... وقت الجد لؤم و خباثه و شغل عيال
الصمت ... ترقُب و شطاره وحذر من مهالك و مقالب و حفر تنتظرك على الطريق
الصمت ... عند الضروره حكمه و مهاره
الصمت .. احيانا يكون تضييع للحق
الصمت ... حنكه و تحكيم للعقل فى لحظات الغضب
الصمت ... اوقات يكون تردد و غباء
الصمت .... كلمة نعم مصحوبه بخجل
الصمت .... كلمة لأ متنكره
الصمت ...هروب جبان فى لحظة المواجهه
الصمت ... غدر و بخل فى ساعة الاحتياج
الصمت ... إهانه و مذله فى لحظة الاشتياق
الصمت ... هزيمه انكفاء على الروح استسلام و انحناء
الصمت .... كبرياء
الصمت ... اختيار
الصمت .... احيانا زيف و رياء
الصمت .... صرخة برئ فى الملكوت
الصمت ... صبر حتى انكشاف الغمه و البلاء
الصمت ... تعالى و احتقار
الصمت .... احيانا شفقه و مقدره و اكرام
الصمت ... فى حرم الجمال جمال
الصمت ... صلاه
الصمت ... هدوء و ايمان فى لحظة جزع
الصمت ... خشوع و اجترار للالم
الصمت ..... راحه
الصمت .... بيحصل اوقات بمزاجنا و اوقات اضطرار او اجبار
الصمت.... او السكوت مش دايما علامة الرضا
الصمت ... امر واقع بيحصل لأسباب كثيره جداااا
و أخيرا
الصمت ... قرار
No comments:
Post a Comment