حــــــالات 3

ـــــ هناك أناس يحتلون أمكنتهم فى نفوسنا بدون فوضى ولا قوه .... تشعر ان اماكنهم كانت محجوزه لهم منذ زمن و بعودتهم هم لا يفعلون شيئا سوى استرجاعها و ملء فراغها

ـــــ و كانت وهى أحب خلق الله إليه تسأله: كيف حال العقدة؟..
فيرد فورا: هى على حالها ..

أمنا عائشه رضى الله عنها و نبينا و حبيبنا محمد عليه افضل الصلاة و اتم التسليم

انه الحب فى أرق و ارقى  صوره و انبل معانيه 

ــــ في ناس كده لما بتدخل حياتنا بنقفل الباب وراهم و نقول خلاص مش عايزين حد تاني كده كفاية

ــــ سأظل أحلم دائما بذلك الفجر الازرق الشفيف ... و انت نائم على الاريكه و انا افتح النوافذ و اصغى للآذان و اقترب منك و اصغى لصوت انفاسك ...... و اغفر من أجلك للعالم كل ذنوبه

ــــ جميل ان يخصك احدهم بأشياء دون الآخرين ... كلمه او اسم او فعل او حتى اسلوب حديث او اى شئ ليثبت لك شئ واحد انك بالنسبة له .... مختلف

ـ
ـــ يقول الكاتب محمد الدويك : وقبل أن تغادر تركت عطرها. وأخذت في المقابل جزءا من روحي. ولم أعترض. وأخفيت الأمر خشية أن تتراجع في المبادلة. وأنا الطرف الكسبان........ فى كده ؟؟؟

ـــــ و ساعات اقول لنفسى زى الست الجميله دى ما قالت فى اغنيتها الرائعه

أمشى فى السكه اشوف نفسى كده حلوه و روحى عاجبانى و اتمنى اقابله و لو صدفه و يشوف تسريحتى و فستانى

ـــ و لأنك سر .. فلن أبوح بك لأحد
ولأنك سر .. سأحتفظ بك الى الأبد

ــــ لم نلتق عبثاً ! أحدنا جاء به الحب والآخر جاءت به دعوة بظهر الغيب

ــــ قدرك ان تكون مبتدأ
و قدرى ان اكون لك خبرا
و قدرنا
الا نكون يوما معا
فى جمله مفيده

ـــ عموما

بعض الناس يجعلون حياتك سعيدة ، فقط بتواجدهم فيها....... و انا و الحمد لله سعيده كده

أحلى ما فى الكون إنسان صادق يعزك فيبحث عنك ، يفتقدك فيسأل عنك ، يشتاقك فيدعو لك ، تشغلُه الدنيا فلا ينساك
 .............................................................
ملحوظه خارج او داخل السياق مش مهم  : ضحكت اوى اول ما ابتديت فى التدوينه دى و لقيت اذاعة الاغانى بتذيع اغنيه ل إليسا بتقول فيها : و بيستحى بعرف حبيبى بيستحى
و بعز لحظات الهوى كل شى ع باله بينمحى
 
اذاعة الاغانى دى عليها حاجات غريبه :)
 
 :