أنــا مع نفسى و نفسى بس .. أنا مش لوحدى أنا معايا .. و متونسه بوحدتى .. مين اللى قال الوحده مبتدفيش .... إنه الإكتفاء الذاتى
حدوته ملهاش نهايه ...لوحه تعبر عن البيئه المصريه شكلا و موضوعا .. شوارع جديده للإكتشاف و التوهان ..دندنه للست أم كلثوم او فيروز .. بالونات و بلى بكل الالوان ...صابون فى البانيو برائحة الهدوء ... استرخاء على نغمات لعمر خيرت يعيد التوازن الداخلى ...شعاع شمس جاى من ورا الستاره أنتظره يوميا ليوقظنى من نومى ....اصوات جيرانى العصافير سكان الشجره الكبيره و هما بيوزعوا الشغل على بعض بعد آذان الفجر كل يوم .... نجمه فضى و نجمه ذهبى ...شوكولاته و نيسكافيه ....عقد لولى يخص مامتى ...جزمه بكعب عالى ...ايشارب بألوان الصيف ....شلال قوس قزح الذكريات ... إبر تريكو و مشروع بلوفر لم يكتمل ....كتاب جميل اقرؤه على مهل ... مكسرات و ريحة البن و التوابل و عيدان القرفه و الكاكاو .... رائحة تسخين الخبز و رائحة الطعام المطهو على مهل فى المطبخ
سر الحياه يكمن فى التفاصيل
التفاصيل التى اعشقها
التفاصيل المنمنمه اللى بلون السما و بريحة الورد و بطعم حلاوة غزل البنات
السر اذن فى الأشياء الصغيره و البدايات دائما تأتى من قلب التفاصيل
الدنيا لسه بخير ............. على ما أظن
No comments:
Post a Comment